Gad kot amerikèn sove 180 migran Ayisyen nan lanmè Florid

Pooshy Rosana
Pooshy Rosana
Gad kot amerikèn sove 180 migran Ayisyen nan lanmè Florid
Écoutez cet article
Pandan yon operasyon rechèch, gad kot peyi Lèzetazini rive sove 180 migran Ayisyen nan lanmè Florid nan kòmansman semèn nan. Yo te abò yon ti bato, alòske yo t ap tante rantre sou teritwa ameriken an malgre lanmè a te ajite. Te gen plizyè timoun abò bak la, yo sòti vivan erezman. 
Sou Twitter, ajans federal la deklare madi 22 novanm lan ekipay li yo sove plis pase 180 Ayisyen ki t ap vwayaje sou yon bato ak vwal epi ki te bite yon pil sab nan lanmè a, nan sid Whale Harbor, tou pre Islamorada, nan Florida Keys.
Daprè otorite yo, plizyè migran te tonbe nan lanmè a alòske vag yo te ant 6 ak 10 pye wotè, epi van yo te jiska 40 km/lè.
Epitou sou Twitter, Chèf Patwouy Fwontyè Miami (CBP) Walter N. Slosar rapòte nan menm jou madi a, otorite federal ak leta yo rive sove 18 imigran ayisyen nan lanmè zòn Miami.
 *Rechèch pou Kiben yo sispann*
 Yon lòt kote, Setyèm Distri Gad Kòt la di nan yon deklarasyon, « annatandan plis enfòmasyon vini », li sispann rechèch plizyè migran Kiben ki te disparèt lendi pase a ak anviwon 80 kilomèt Little Torch Key.
Daprè deklarasyon an, nan samdi maten, yon bon samariten te sove yon moun nan lanmè a, li te kontakte sektè Key West Gad Kòt la aprè sa. Moun ki sove a, ajans lan ajoute li te kite plaj Jaimanitas, Lahavàn (Kiba), 13 novanm pase a ak yon « gwo gwoup » moun nan yon bato ki chavire, li se sèl sivivan.
Se yon lòt gwoup 18 Kiben ki te refè nofraj sa a, kèk ladan yo te mete jilè sovtaj, men dezyèm bato sa a chavire tou, se sa Gad Kòt la detaye epi esplike li « te sove nèf moun ak jwenn yon sèl kò san vi.”
Ant dimanch ak lendi, ekip gad kòt yo te jwenn 5 kadav nan lanmè. Daprè 7yèm Distri Gad Kòt la, sivivan Kiben yo te di yo te wè kat moun « neye sou plas ». Yo te mennen kadav yo nan Biwo Egzaminatè Medikal konte Monroe nan Florida Keys.

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.