Mondyal 2022 : Japon kase met nan men Almay pou premye match li !

Jephte Pascal
Jephte Pascal
mondyal 2022 japon kase met nan men almay pou premye match li !
Écoutez cet article
Almay t ap mezire fòs li ak Japon pou premye match li nan Koup Di Mond 2022 a. Nipon yo rive ranvèse match la pou yo bat Alman yo ki t ap mennen. Yon lòt fwa ankò, Almay mal antre nan Mondyal la.
Japon fè yon gwo you pou antre l nan Mondyal FIFA, Kata 2022 a. Seleksyon azyatik la rive met do ekip ki pran konpetisyon an konpetisyon an 4 fwa nan listwa l la, Almay. Menm jan an 2018, Mannschaft la pèdi premye match li nan Loup Di Mond lan.
Poutan, se Almay ki te jwenn ouvèti eskò a depi nan premye mitan match foutbòl sa. Ilkay Gundogan te transfòme yon penal (33′) aprè gadyen te fè fot sou Raum nan pwòp kare l. Alman yo te rantre nan vestyè a ak avantaj sa.
Nan dezyèm pati a, Japon t ap eseye retounen nan match la, men Manuel Neuer pa t vle kite okenn boul pase. Se Ritsu Doan ki te rive jwenn egalizasyon an pou Japon (75′) epi se Takuma Asano nan fen match la (83′), avèk yon veritab misil, ki fè gòl viktwa a.
Si n ap gade 4 dènye match Almay jwe nan zafè Koup Di Mond, li pèdi 3 ladan yo epi li bat youn. An 2018, yo te tonbe (0-1) nan premye match yo kont Meksik. Menm senaryo a repete fas ak Japon. Alman yo ret yon gwo randevou fas Espay nan gwoup sa.

Facebook Comments

- Advertisement -
Partagez cet article
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.