Kolera: Sitiyasyon an akable, MSF mande pou plis mobilizasyon

Mackendy Filderice
Mackendy Filderice
kolera sitiyasyon an akable, msf mande pou plis mobilizasyon
Écoutez cet article
Òganizasyon Medsen San Fwontyè (MSF),  nan yon nòt pou laprès di li te wè yon gwo ogmantasyon ka kolera nan kapital la ak vil pwovens yo pandan sant tretman li yo paka pran moun ankò. Se sa k fè, MSF mande yon entansifikasyon rapid nan repons ak epidemi kolera a nan peyi a.
Nan nòt pou laprès sa a, Òganizasyon Medsen San Fwontyè (MSF) fè konnen kantite ka kolera a ap kontinye ogmante chak jou pi plis, epi sitiyasyon an ap vin pi  mangonmen nan kapital ayisyen an ak nan plizyè depatman nan peyi a.
« Sant aktyèl nou yo satire, epi byento nou pral nan maksimòm kapasite entèvansyon nou yo, » te fè konnen Mumuza Muhindo, chèf misyon nan MSF, tout pandan li fè referans ak 389 kabann ki trè souvan okipe nan sis (6) sant tretman kolera MSF mete sou pye depi premye ka yo te jwenn nan mwa pase yo.
Medsen San Fwontyè(MSF)  di tou depi nan fen mwa oktòb la, yo te bay an mwayèn 270 pasyan  swen nan sant yo chak jou, pandan yo te resevwa apeprè 50 nan de premye semèn yo. An total, MSF di  yo te jwenn 8,500 pasyan  epi yo te anrejistre 97 lanmò.
Fas ak obsèvasyon sa a, MSF mande pou yon entansifikasyon rapid nan repons ak epidemi sa a. “Plis òganizasyon ak donatè bezwen patisipe, epi zouti esansyèl, tankou vaksen, bezwen disponib pou ekip medikal yo ak kominote Popilasyon ayisyen an,”  te fè konnen MSF, li menm ki deplore sitiyasyon kote vil la anvayi ak fatra ki pa janm ranmase depi plizyè mwa, kote pa gen distribisyon dlo nan katye tankou Brooklyn nan Site Solèy. Òganizasyon an di tou nan zòn sa a, wout yo koupe akòz  fatra ki bouche kanal ak rigol yo, sa ki lakòz gwo inondasyon.

Facebook Comments

- Advertisement -
Partagez cet article
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.