Ministè ayisyen afè etranje an fè konnen nan yon avi li mete deyò nan dat 19 janvye ki sot pase a gen plizyè bous etid gouvènman peyi Taywann lan mete disponib pou etidyan ki te vle al kontinye etid yo.
Nan kad pwogram « MOFA Taïwan Scholarship Program 2023 » a, Repiblik Chin Taywann mete a dispozisyon etidyan lisansye Ayisyen ki poko gen 30 lane posiblite pou al rapouswiv etid yo nan nivo metriz pou ane akademik 2023-2024 lan.
Daprè Ministè ayisyen afè etranje an, seleksyon etidyan k ap gen pou benefisye pwogram bous etid sa ap sòti nan yon konkou ki prevwa òganize vandredi 10 fevriye k ap vini la.
Entèrese yo dwe gen kòm dokiman yon paspò valid, mwayèn 75/100 nan etid inivèsitè nivo lisans, diplòm ak relve nòt legalize kote yo gen jiska vandredi 3 fevriye pou depoze yo nan lokal ministè a ki nan Dèlma 60, Miso.
Facebook Comments