Hervé Bazile siyen ak yon klèb Serie D !

Jephte Pascal
Jephte Pascal  - Rédacteur
hervé bazile siyen ak yon klèb serie d !

Sa gen lontan nou pa t wè Hervé Bazile sou sèn foutbòl entènasyonal la. Vandredi 13 Janvye a, entènasyonal ayisyen an siyen ak ASD Ilvamaddalena, yon klèb k ap evolye nan katriyèm divizyon nan peyi Itali.

Hervé Bazile pral retounen frape balon an Ewòp ankò. Ansyen jwè Ligue 1 an siyen ak yon klèb Serie D a, katriyèm nivo foutbòl nan peyi Itali. Klèb sa se ASD Ilvamaddalena 1903. Depi lè kontra l ak ekip Le Havre la, klèb Ligue 2, te bout, Bazile te san klèb. Trantenè a pral remete krapon l pou l bay moun yo boul.

- Advertisement -
Ad imageAd image

Se klèb la menm ki anonse siyati entènasyonal ayisyen an, ayè vandredi a sou rezo sosyal li yo. Elye goch  ki te fè fanatik seleksyon ayisyèn nan gen anpil lajwa nan Gold Cup 2019 la deja disponib pou l antrene epi jwe ak gwoup kotch Gardini ap dirije a.

Klèb la pa bay okenn detay sou dire ak tèm kontra a. De tout fason, se ap yon plezi pou tout fanatik foutbòl ayisyen an pou yo rewè jwè sa ki chaje ak talan nan zèv li.

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.