Olympique Lyonnais anonse li siyen ofisyèlman Melchie Daëlle Dumornay. Pi gwo espwa foutbòl ayisyen an pral reyalize rèv li pou l jwe pou gwo klèb sila a.
Jan tout moun te ka presanti sa, Melchie Daëlle Dumornay pral jwe pou Olympique Lyonnais sezon k ap vini la a. Ayisyèn nan poze siyati anba kontra ki lye l ak klèb la pou jis 2026.
Pi gwo klèb yo te dèyè jwèz seleksyon nasyonal feminen an men se OL li chwazi finalman. Klèb pa kache kontantman l genyen pou l atache sèvis pepit sa. Depi lè l rive nan D1 Arkema a, li fè 15 gòl pou 28 match li jwe.
» Se te toujou rèv mwen pou m pote mayo Olympique Lyonnais a. M konnen klèb sa ka ede m pwogrese epi konkeri twofe. M ka tann pou m jwe isi a epi evolye bò kote Wendie Renard. Se yon modèl pou anpil jèn jwèz e m espere vin tankou l yon jou » konsa Melchie te reyaji.
Aktyèl jwèz Stade de Reims lan ap rejwenn gwoup OL la apati de premye Jiyè 2023. Kontra sa ap bout 30 Jen 2026.
