NBA: Luka Doncic mete dife nan NBA a fas New-York Knicks ak 60 pwen, yon match istorik  

Gabriel Emmanuel
Gabriel Emmanuel  - Rédacteur
nba luka doncic mete dife nan nba a fas new york knicks ak 60 pwen, yon match istorik

Depi lè sezon regilyè a kòmanse, Slovèn nan Luka Doncic pa sispann enpresyone fanatik basket yo. Yè swa nan match ki te mete tèt pou tèt Dallas Mavericks ak New York Knicks la (126- 121 aprè pwolongasyon). Luka Doncic fè yon 60 pwen, 21 rebon, 10 pas. Se premye jwè nan istwa NBA a ki fè yon ”triple-double” ak 60 pwen epi 20 rebon.  

Nan rankont Dallas Mavericks fas New-York Knicks lan, Luka Donvic te yon mons nan match sa, kote l rive fè  60 pwen, 20 rebon ak 10 pas. Slovèn nan vin premye jwè ki rive make 60 pwen ak 20 rebon nan istwa NBA a, preske tout lanse li yo te rantre nan panye a yè swa, sitou sa li fè nan fen match la.  

- Advertisement -
Ad imageAd image

Aprè rankont lan, menè Dallas la te bay enpresyon li sou nwit istorik sa li sot viv la:  

“M pa konn sa pou m fè. M pat konnen si te rete 2 sekonn, oubyen yon bagay konsa. M jis voye balon an epi espere l antre. M kapab di se yon bagay ki enkwayab lè  yo mete m nan konparezon sa yo. M pa konn sa pou m di. Estatistik yo fou, m pat jann rive make 60 pwen”.  

Sa pat pat anpeche antrenè Dallas Mavericks la Jason Kidd di sa l panse sou pèfòmans jwè li a.  

” M konnen tout moun sou emosyon. Se sak fè moun yo rete kalm. Se yon bagay nouvo, yon bagay ki espesyal. Ou konn istwa jwèt la ekri ak jwè yo. A swè li ekri ak Luka, li fè yon bagay ki pat jann fèt nan jwèt la.”  

Facebook Comments

- Advertisement -
Partagez cet article