Chanm kote Messi t ap dòmi nan peyi Kata a, pral tounen yon ti mize 

Sam Sarah Devilus
Sam Sarah Devilus  - Rédactrice
chanm kote messi t ap dòmi nan peyi kata, pral tounen yon ti mize

Responsab yo nan kanpis inivèsite Doha, kote ekip Ajantin nan te sejoune pandan mondyal 2022 a fè konnen, chanm Lionel Messi te okipe a, pral tounen yon ti mize nan semèn k ap vini la yo. 

Aprè li fin chanpyon mond lan ak peyi l Ajantin, Messi konnen yon pakèt lòt eksplwa tankou li vinn dezyèm moun ki gen plis moun k ap swiv li sou enstagram, yon foto l kote l ap leve twofe koup di mond lan bat rekò foto ki gen plis like sou enstagram, san nou pa bliye Adidas ki poko ka reponn ak tout demand ki genyen pou mayo Messi, ak mayo Ajantin 3 etwal la. Kounya chanm otèl kote Messi te sejoune pandan mondyal la, pral tounen yon ti mize. 

- Advertisement -
Ad imageAd image

Chanm B201 an ap rete jan Messi te kite li an, pou pèmèt tout moun ki ta vle, vizite kote atakan ki gen 7 balon dò a te demere pandan yon mwa nan peyi Kata. Hitmi al Hitmi ki se responsab kominikasyon inivèsite Daho a fè konnen, chanm Messi a ap rete jan li te kite l la, sa li te itilize pou l sèvi yo ak kèk bagay li ta kite nan chanm nan ap yon eritaj pou etidyan inivèsite a ak popilasyon katari an, ak yon temwanyaj ekstraòdinè pou Ajanten an pandan mondyal la.  

Chanm sa pap janm disponib pou pèsòn vin dòmi ankò epi l ap sèvi kèm yon omaj nan lonè Lionel Messi. Responsab yo poko di kilè mize sa ap ouvri ofisyèlman, ni tou si y ap ajoute kèk lòt bagay ladan tankou mayo ak foto Messi.  

Pou kouwèl ye la a, chanpyon mond lan nan peyi l, Ajantin, ak fanmi l, l ap gen pou l retounen an Frans nan kòmansman ane 2023 a, pou l reprann antrenman ak Pari Sen Jèmen. 

Facebook Comments

- Advertisement -
Partagez cet article
Sam Sarah Devilus
Par Sam Sarah Devilus Rédactrice
Follow:
Journaliste / Communicatrice / Bookstagrameuse.