Otorite dominiken yo depòte plis pase 300 timoun sou fwontyè Bèladè a pou 3 dènye mwa yo

Jacky Chery
Jacky Chery
otorite dominiken yo depòte plis pase 300 timoun sou fwontyè bèladè a pou twa dènye mwa yo
Écoutez cet article
Fondasyon Zanmi Timoun denonse fason depòtasyon yo ap fèt sou fwontyè Bèladè a kote otorite dominiken yo refoule sou teritwa ayisyen an yon total 324 timoun sòti 31 jiyè rive pou rive 31 oktòb 2022.
Fondasyon Zanmi Timoun atire atansyon otorite yo nan Leta ak sosyete a an patikilye sou deriv k ap fèt sou fwontyè a nan koze depòtasyon kote otorite dominiken yo ap depòte pa pil ak pa pakèt yon ekip timoun ki nan laj 10 a 17 an.
Joseph Richard Fortuné ki se responsab kominikasyon fondasyon an fè konnen anpil nan timoun sa yo ki sòti repiblik dominikèn pou ateri sou teritwa ayisyen an rive an Ayiti san paran yo.
Fondasyon Zanmi Timoun otorite dominiken yo ki pa respekte nòm ak pwotokòl ki siyen an Leta de peyi yo. Otorite dominiken yo depòte migran ayisyen yo a tout lè, sa Joseph Richard Fortuné fè konnen.
Responsab kominikasyon Zanmi Timoun lan presize nan dat 22 oktòb 2022, òganizasyon an resevwa 5 timoun depòte ki te rive sou teritwa ayisyen an vè 9è nan aswè.
Pami timoun sa yo ki depòte yo, genyen ki kite fanmi yo Repiblik Dominikèn, rive Ayiti ki pa gen okenn kote pou yo ale. Sou menm pwen sa, responsab fondasyon an fè konnen gen nan timoun depòte sa yo ki pa ayisyen men otorite dominiken yo foule Ayiti.
Fondasyon Zanmi Timoun ankouraje pou gen yon chita pale ant otorite Leta de peyi yo pou kapab rewè pwotokòl akò 1999 la sou fason depòtasyon yo ap fèt sou fwontyè a.

Facebook Comments

- Advertisement -
Partagez cet article
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.