Pastè Armel Lafleur riske pran ant 3 mwa a 1 lane prizon

Mackendy Filderice
Mackendy Filderice  - Rédacteur
pastè armel lafleur riske pran ant twa mwa a yon lane prizon
Komisè Gouvènman Pòtoprens la, Jacques Lafontant, pou jistifye envitasyon pastè Armel Lafleur nan Biwo Pwokirè Piblik la, mansyone yon santans ki varye a nan twa mwa a yon lane nan prizon daprè atik 283 Kòd Penal la. Sa a se risk pastè Armel Lafleur ap kouri pou akizasyon li ki gen rapò ak ekspozisyon endesan.
Pastè Armel Lafleur ap fè fas ak ennyèm dosye li nan tribinal, Pastè a te deja akize an 2017 pou kidnapin ak detounman sou minè epi atak seksyèl sou yon adolesan.
Pastè Armel Lafleur ki toujou diferan nan fason li preche, yon lòt fwa ankò pwovoke anpil kòmantè sou li apre yon videyo ki chokan  te vin viral ki enplike li ak yon pitit fi li.
Dapre komisè gouvènman an, Jacques Lafontant, ki pale de vyolasyon atik 283  nan kòd penal la a, zak pastè a fè nan asanble li a se yon afwon piblik ak desans ak yon twoub nan lòd sosyal.
Atik 283 nan Kòd Penal la ki sanksyone zak sa a preskri: « Nenpòt moun ki te komèt yon afron piblik nan desans lè li fè nenpòt zak, manyen oswa lòt zak menm jan an ki kapab blese desans yon moun oswa plizyè lòt sèks, dwe dwe pini ak prizon soti nan twa mwa a  yon ane ».
Nap raple nan kèk videyo ki viral sou rezo sosyal yo, nou kapab konstate Pastè Armel Lafleur ki ap manyen kèk pati entim tankou, tete ak bouda
swadizan pitit fi li anndan asanble li a.

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.