Plis pase 6 milyon galon gaz sòti Varreux nan espas yon semèn

Jacky Chery
Jacky Chery
plis pase 6 milyon galon gaz sòti varreux nan espas yon semèn
Écoutez cet article
Depi repriz aktivite yo nan Terminal Varreux ki te sou kontwòl gang ame pandan plis pase yon mwa, gaz pa sispann sòti nan pi gwo sant estokaj gaz peyi a genyen. Sòti 8 pou rive 15 novanm, gen 6 milyon 102 mil 60 galon gaz ki kite espas la.
Depi otorite Lapolis yo fin anonse yo libere wout ki mennen nan Tèminal la bandi G9 an fanmi ak alye te bloke, se anviwon yon santèn kamyon chaje ak gaz ki kite espas la chak jou. Pou semèn 8 pou rive 15 novanm lan, Wineco konte 772 kamyon sitèn ranpli gaz ki sòti nan Varreux.
Plizyè santèn chajman ki pote yon total 3 milyon 775 mil 962 galon dyezèl, 2 milyon 375 mil 698 galon gazolin ak 16 mil galon Kewozèn.
Distribisyon yo rekòmanse nan Terminal Varreux aprè anviwon 2 mwa fèmen akoz nèg ak zam te bloke epi fouye gwo twou nan tout wout ki mennen ak Tèminal la. Gwoup ame sa yo t ap reklame prensipalman demisyon Premye minis lan, Ariel Henry.
N ap raple, nouvo distribisyon yo k ap fèt nan ponp yo depi samedi 12 novanm lan se ak nouvo pri gouvènman an plas la te fikse depi avan gwo mouvman leve kanpe yo, ki se 570 Goud pou yon galon gazolin, 670 Goud pou yon galon dyezèl epi 665 Goud pou yon galon Kewozèn.

Facebook Comments

- Advertisement -
Partagez cet article
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.