Ekip kominikasyon PNH la anonse jounen lendi 15 me 2023 a, direksyon Depatmantal Sant Polis la ranfòse prezans lapolis la nan lari yo ak nan diferan zòn yo nan komin Mibalè.
Nan Mèy, yon seksyon kominal nan Mibalè, ofisye ki la pou fè respekte lalwa yo te tanmen yon mouvman tchèk woutin. Toujou nan nòt sila a, PNH la anonse plizyè endividi jwenn arestasyon yo pandan lansman operasyon sa a nan Sant peyi a.
Otorite Lapolis yo pwofite raple, mezi sa yo vize pou swiv epi arete bandi ki toujou gen tandans pran refij yo nan vil pwovens yo pandan operasyon lapolis k ap fèt nan kapital la.
