Aprè match nil fas ekip Betis la nan Liga a (0-0), yè dimanch lan, ekip Real Madrid la ki te espere ratrape Barcelone aprè defèt li fas Almeria (0-1) week-end pase a, pa rive genyen ekip Betis la. Yon lòt bò, Catalan yo bat Valance (1-0) epi pran 9 longè sou Merengue yo. Match nil sa te pouse antrenè Italyen an reyaji nan mikro laprès.
Aprè echèk ekip Real Madrid la nan estad Benito-Villamarin a fas ekip Betis la (0-0). C. Ancelotti, nan konferans aprè rankont lan, fè konnen Real gen pwoblèm devan gòl la, ekip la manke moun ki pou fè gòl pou li.
” Se te yon match difisil, men nou te kapab pi efikas devan. Nou jwenn okazyon gòl yo, men sou 3 dènye match nou jwe yo, se yon sèl gòl nou fè, nou dwe pi efikas devan. Gen ti pwogresyon ki fèt men li klè fòk nou travay pou n amelyore nou. Semèn sa nou dwe fè tout sa n konnen pou n amelyore nou. Paka fè gòl nan match yo afekte nou, sa pa gen anpil jou nou te fè 5 gòl nan Anfield la.” Se sa antrenè Merengue yo fè konnen.
Facebook Comments