Wo kòmandman PNH la kòmanse pran bon jan dispozisyon pou fen dane a

Pooshy Rosana
Pooshy Rosana  - Rédacteur
wo kòmandman pnh la kòmanse pran bon jan dispozisyon pou fen dane a
Polis Nasyonal d Ayiti (PNH) kòmanse anvizaje bon jan dispozisyon pou ede popilasyon ayisyèn nan pase yon bon fèt pou fen lane 2022 a epi pou sekirize rantre klas yo ki ta dwe fèt nan pa twò lontan. 
Nan sousi pou ranfòse batay polis nasyonal la ap mennen depi kèk jou kont fenomèn banditis la nan tout rakwen peyi a, espesyalman nan zòn metwopolitèn Pòtoprens la, Kòmandan an chèf polis la Frantz Elbé la ansanm ak plizyè manb nan wo kòmandman an te dirije yon reyinyon planifikasyon estratejik ak plizyè responsab inite espesyalize tankou SWAT, BRI, CIMO, BIM, BOID, BLVV yo.
Chita pale sila te tanmen nan lokal Direksyon jeneral polis nasyonal la ki nan Klèsin, jou ki te samdi 19 novanm pase a.
Pi lwen, rankont sila ap pèmèt ak responsab komisarya, sou komisarya, antèn yo, elatriye, ki nan awondisman Pòtoprens lan, pou yo pran bon jan mezi nesesè pou asire sekirite popilasyon an nan awondisman Pòtoprens lan.
Sou paj Facebook li, enstitisyon polisyè a enfòme responsab yo nan polis la te chita sou evalyasyon ak konsolidasyon yon plan sekirite ki mete anplas nan zòn metwopolitèn lan.
Responsab inite nou sot site pi wo yo, sou kòmand Direktè jeneral polis la Frantz Elbé, te tou pwofite gade taktik yo pral mete anplas nan peryòd reouvèti lekòl la ak peryòd fèt fen dane a, nan lide pou pèmèt popilasyon an ale nan okipasyon l kè pòpòz.
Toutfwa n ap raple depi kèk tan peyi a tonbe totalman anba kontwòl gang, genyen anpil zòn polis paka pase la yo oubyen tabli baz yo la. Ka asasina, kidnapin, vyòl ak vòl yo ap pousuiv.
Lekòl fèmen, pi fò aktivite paralize, ensekirite a ap panpannen kò l alòske fèt fen dane yo rive, anyen pa janm fèt pa bò kote pouvwa anplas la pou rezoud pwoblèm nan.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.