Repiblik dominikèn voye jete byen lwen akizasyon rasis ak diskriminasyon Lèzetazini yo 

Mackendy Filderice
Mackendy Filderice
repiblik dominikèn voye jete byen lwen akizasyon rasis ak diskriminasyon lèzetazini yo 
Écoutez cet article

Ministè Afè etranjè Repiblik dominikèn nan (Mirex) voye jete byen lwen divès deklarasyon Lèzetazini fè kont li kòmkwa li ap depòte moun an fonksyon de koulè po yo. 

« Ministè Afè etranjè a eksprime rejè total deklarasyon « Alèt: Ranfòsman migrasyon an Repiblik Dominikèn » anbasad Etazini an nan Repiblik Dominikèn pibliye samdi 19 Novanm sa a. Nou konsidere li manifestman san fondman, pa apwopriye ak malere ». 

- Advertisement -
Ad imageAd image

Mirex deklare tèm deklarasyon sila yo kontredi bon jan relasyon bilateral ki genyen ant Repiblik Dominikèn ak Etazini nan tout domèn. Sa a ka gen yon enpak negatif sou plizyè milye travayè Dominiken, ansanm ak sou ekonomi peyi a, byenke se pa objektif la sa. 

Repiblik dominikèn di li espere gouvènman ameriken an anvizaje retire tèm sa yo ki pa verifye nan deklarasyon sila ki gen plizyè sans, lè sa posib. 

Ministè Afè etranjè dominiken an (Mirex) souliyen depi kòmansman gouvènman Luis Abinader a, a plizyè fwa yo denonse sitiyasyon kè sote peyi d Ayiti devan kominote entènasyonal la, men pèsòn pa t pran mezi apwopriye pou te fè fas ak reyalite imanitè, sosyal peyi a ki pa t sispann vale teren. 

N ap raple pa bò kote pa l, anbasad Lèzetazini te akize migrasyon dominikèn nan t ap arete, maltrete moun ki san papye jis paske koulè po yo se nwa. Li te bay gwo alèt sou sitiyasyon an akòz genyen sitwayen ameriken (afriken ameriken ak ayisyen ameriken) ki resevwa move tretman sou menm baz sa.  

San konte kèk tan avan sa, Nasyonzini te mande pou Repiblik dominikèn te sispann depòtasyon pil pa pakèt ayisyen yo paske Ayiti pa bon, olye sa prezidan dominiken an te deklare li fenk kare voye Ayisyen ki pa legal yo tounen lakay yo. 

« Politik imigrasyon chak peyi se pouvwa chak gouvènman an, kidonk deklarasyon sa yo pa akseptab e yo iresponsab, Repiblik Dominikèn se peyi ki plis pote chay Ayiti, ki te pi plis afekte ekonomikman e ki te pi solidè (ansanm) ak Ayiti pase nenpòt lòt peyi nan mond lan, kidonk, ou pa ka mande Repiblik Dominikèn fè plis toujou », se repons Luis Abinader te bay Wo komisè Volker Türk.  

Vrèman vre, depi dènye avètisman li yo, nimewo 1 Repiblik Dominikèn nan, Luis Abinader te bay lòd pou ajan migrasyon yo te chase tout etranje ilegal ki sou teritwa li a, men Ayisyen yo te premye nan liy lan. Fòs lòd dominikèn yo te arete ak ekspilse plizyè santèn konpatriyòt yo te mete lapat sou yo nan kèk zòn nan Santiago de Los Caballeros, Eli Piña, El Seibo, Bonoo, Pedernales, elatriye. 

Epitou n ap raple nan mwens pase 3 mwa, depi 1 dawout 2022 a, Repiblik dominikèn ekspilse yon total de 60 mil 204 Ayisyen, ki gen ladan plis pase 22 mil yo voye tounen nan mwa Oktòb la. 

Facebook Comments

- Advertisement -
Partagez cet article
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.