Yon 7èm Europa Lig pou FC Seville ki domine konpetisyon sa

Jacky Chery
Par Jacky Chery  - Rédacteur
yon 7èm europa lig pou fc seville ki domine konpetisyon sa

Nan yon final ki fini nan chout pennalite, FC Seville ranpòte yon setyèm final Europa Lig nan istwa l lè li genyen AS Roma nan match sa ki jwe jodi mèkredi 31 me an nan vil Budapest aprè yon match nil 1-1 nan tan reglemantè an.

Andalou yo ki depi kèk tan enpoze yo kòm sèl mèt C3 a, ajoute yon 7èm twofe Europa Lig nan palmarès yo avèk viktwa sa yo fè jodi mèkredi an. Seviyan yo ki te nan gwo difikilte aprè gòl atakan ajanten an, Paolo Dybala, te make nan 34èm minit match la, ta pral mennen match la nan pwolongasyon avèk egalizasyon yo nan 55èm minit sou yon otogòl.

- Advertisement -
Ad imageAd image

Poulen Mendibiliar yo ki pa t gen twòp presyon pandan seyans chout pennalite an, fè sa ki esansyèl la avèk 100% reyist sou 4 chout yo te genyen yo pandan ekip AS Roma t ap rate 2 nan chout pa l yo avèk Mancini epi Ibañez.

Gonzalo Montiel, yon mèt nan zafè choute pennalite, te pran responsablite tire pennalite ki pou te fè Andalou yo genyen tit sa. Menm jan ak final dènye Koupdimond lan, defansè ajanten an bati gadyen AS Roma a pou pèmèt FC Seville genyen edisyon Europa Lig sezon 2022-2023 a.

Avèk viktwa sa, FC Seville ranfòse tèt li nan klasman ekip ki ranpòte konpetisyon Europa Lig la plis fwa. Andalou yo genyen pou kounya 7 tit Europa Lig, lwen devan ekip ki vini aprè l yo.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.