Yon dezyèm ka kolera ki sòti Ayiti detekte an Repiblik Dominikèn

Jacky Chery
Jacky Chery
yon dezyèm ka kolera ki sòti ayiti detekte an repiblik dominikèn
Écoutez cet article
Ministè dominiken sante piblik ak asistans sosyal konfime yon dezyèm ka kolera ki detekte sou teritwa dominiken an ki ta sòti dirèkteman an Ayiti. Daprè dènye bilan MSPP rann piblik yo, plis pase 10 mil moun ta deja trape maladi sa an Ayiti.
Dezyèm ka kolera sa yo detekte sou teritwa dominiken an se yon ti gason 4 lane, ki gen nasyonalite ayisyèn, ki ta rantre sou teritwa dominiken an nan dat 18 novanm 2022 an, sòti Pòtoprens pase pa Dajabón.
Ti gason sa te transpòte nan lopital Padre Fantino, nan Monte Cristi, kote pou kounya eta li estab aprè premye swen yo li ta deja resevwa.
Otorite sanitè yo lokal yo mete sou plas yon siveyans epidemyolojik sou fanmi pwòch ti gason sa k ap viv ak paran l ki yo menm te jwenn tretman prevansyon kont maladi sa, men ki pa t prezante okenn sentom viris kolera.
Daprè Ministè ayisyen sante piblik, plis pase 10 mil moun deja pran nan epidemi kolera depi reparèt maladi sa nan peyi a kote anviwon 200 ladan yo pèdi lavi yo.
N ap raple, premye ka kolera ki te sòti Ayiti pou rantre sou teritwa dominiken an se te nan dat 20 oktòb 2022 a ki se te yon dam 32 lane yo te detekte nan pwovens Altagracia.

Facebook Comments

- Advertisement -
Partagez cet article
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.