Akò 21 desanm nan se yon egzèsis manipilasyon politik pou pwonlonje rèy Ariel Henry a, daprè OPL 

Mackendy Filderice
Mackendy Filderice  - Rédacteur
akò 21 desanm nan se yon egzèsis manipilasyon politik pou pwonlonje rèy ariel henry a daprè opl 

Pòtpawòl Òganizasyon Pèp k ap Lite a (OPL), Danio Syriac, nan yon entèvensyon li fè sou radyo Magik9 denonse dokiman konsansis nasyonal pou yon tranzisyon enklizif ak eleksyon transparan kèk sektè te siyen 21 desanm 2022  pase a. Pou Pòtpawòl la akò sa a se yon « egzèsis manipilasyon politik ki gen tandans pwolonje rèy Ariel Henry » a. 

Òganizasyon pèp k ap lite (OPL) pa t  siyen dokiman konsansis nasyonal pou yon tranzisyon enklizif ak eleksyon transparan  kèk sektè te siyen 21 desanm nan.  Estrikti politik la pa wè akò sa a nan yon bon limyè. Daprè Pòtpawòl la anpil rezon pouse estrikti a panse konsa. 

- Advertisement -
Ad imageAd image

« Nou pa rekonèt akò 21 desanm lan, »  te deklare Danio Syriac tout pandan li fè konnen okenn gwoup politik pa ka fè reklamasyon pou kenbe yon akò politik san pati politik ki reprezantatif anpil nan yo pa siyen. 

Sa gen kèk semèn, daprè Danio Syriac, estrikti politik la te resevwa yon komisyon delege Premye Minis Ariel Henry te voye pou diskite sou sijè sa a.  « Nou te di yo nou pa ka defini konsansis reyèl san fondasyon reyèl », te rapòte Danio Syriac, limenm ki defann « yon dyalòg miltilateral kote tout sektè yo ka rasanble alantou yon tab pou diskite sou enterè nasyon an ». 

“Kijan nou ka fè yon akò politik epi PHTK pa siyen li, UNIR pa siyen li ?  mande pòtpawòl OPL la, li rele akò 21 desanm lan « manipilasyon politik ».  « Akò sa a gen pou objaktif pou fè Ariel Henry pi alèz », deklare Danio Syriac,  tout pandan li afime akò a pa pran an kont reprezantasyon sosyal ak politik sosyete a.

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.