Aprè ajan Lapolis yo te fin metrize epi etenn souf plizyè ajan BSAP jodi mèkredi 7 fevriye 2024 la, plizyè bakòp ajan polis nasyonal la pwosede ak arestasyon 3 ajan BSAP nan komin Petyonvil.
Yon jounen 7 fevriye ki pase de dat istorik a yon fòm gè sivil kote plizyè ajan PNH te twoke kòn yo ak kèk ajan BSAP, yon kò legal ki anndan estrikti ANAP.
Omwen senk ajan BSAP pèdi lavi yo anba bal Lapolis, twa lòt jwenn arestasyon yo.
Pou kouwèl ye la, nou inyore non ajan BSAP yo ki jwenn arestasyon yo a, men nou te kontakte kèk konfrè ki te sou plas ki konfime nou, ajan yo twouve yo kounye a nan komisarya Petyonvil la, annatandan pouswit legal yo.
N ap raple, komisè gouvènman Pòtoprens lan te deja anonse Lapolis gen lòd pou arete tout moun ki pa polisye yo ta sispèk ak zam nan men yo nan seyans manifestasyon yo. Anplis, komisè a te anonse tou genyen gwo sanskyon ki rezève pou jan de ka sa yo.
Facebook Comments