Konpayi avyon prive ayisyen an, Sunrise Airways, ki gen katye jeneral li an Ayiti, anonse yon nouvo koneksyon nan rejyon Karayib la. Apati 18 desanm 2022, konpayi an pral ofri yon vòl chak lendi ant baz li nan Pòtoprens-Ayopò Tousen Louvèti ak Fò de Frans (Fort de France en Français), Matinik, nan ayewopò Eme Sezè (Aimé Césaire).
Vòl yo ap fèt nan avyon konfòtab Embraer 145 ak 50 chèz. Depa yo pwograme a 8 : 00 am , pou rive a 11 : 05 am, vòl retounen yo kite Matinik a 12 : 05 pm pou ateri a 1 : 10 pm.
Apati 19 desanm, Sunrise Airways pral opere chak lendi nan ERJ145 ant kapital peyi Ayiti ak ayewopò Pwent a Pit – Gwadloup Pòl Karayib, depa 8 : 00 am, pou ateri a 10 : 50 am, epi retounen soti nan zile fransè a 11:50 am pou rive a 12 : 40 pm.
Konpayi avyon an pral san konpetisyon nan Matinik men an teyori pral fè fas ak Air France nan Gwadloup. Tikè yo ap vann 499 dola ak tout taks ladanl.
Vòl sa yo pral disponib soti nan vil pwovens ayisyen Sunrise desèvi yo tankou Okap, Jeremi, Jakmèl ak Okay. Epi yo vize an patikilye dyaspora ayisyen an nan West Indies.
Vrèman vre, yo pral pèmèt dyaspora ayisyen an nan Matinik ak Gwadloup kapab retounen ann Ayiti. Men tou pou vwayajè ki soti nan West Indies yo pou bay koneksyon ak Repiblik Dominikèn e menm Kiba, kote konpayi an sèvi Santyago de Kiba ak Laavann (La Havane).
Facebook Comments