Ariel Henry fè konnen se pat pwoblèm gaz ak lavi chè ki te met moun yo nan lari vre 

Mackendy Filderice
Mackendy Filderice
Ariel Henry fè konnen se pat pwoblèm gaz ak lavi chè ki te met moun yo nan lari vre 
Écoutez cet article

Premye Minis Ariel Henry nan yon diskou bay nasyon an dimanch 18 septanm sa a, mande popilasyon an ki te pran lari depi plizyè jou pou mande gouvènman pou li desann pri gaz la  ak kont lavi chè a pou yo rete “Tèt Frèt”. 

Nan diskou bay nasyon sa, lokatè Primati a mande popilasyon an pou kenbe kalm yo pou yo rete “Tèt Frèt” epi pou yo  sispann zak vyolans ak zak vandalis yo. Chèf gouvènman te tou pwofitw  denonse sèn piyaj ak atak yo te fè kont rezidans manm gouvènman an ak siyatè akò 11 septanm lan. 

- Advertisement -
Ad imageAd image

“Mwen kondane ak tout fòs zak vyolans yo anrejistre atravè peyi a,” te di Ariel Henry,  tout pandan li senpatize ak viktim yo. Yon lòt bò, newochorijyen an fè konnen se pa pèp ki te nan lari a se pito yon bann gwoup nèg ak gwo zam fann fwa epi se pat pwoblèm grangou, ni koze gaz ki te mete yo deyò.  

Se sak fè Ariel Henry di pa gen anyen ki ka jistifye domaj ki anrejistre nan jou ki sot pase yo nan kapital la ak nan kèk vil nan pwovens yo.  “Tout moun ka konprann manifestasyon sa yo pa t an favè disponiblite gaz la, “te deklare  Ariel Henry. 

Anplis de sa, Doktè Ariel Henry bay garanti pwodwi petwòl yo disponib, nan yon kantite ki ase, nan tèminal yon fason pou yo kapab alimante  ponp yo epi soulaje pwoblèm  ratman gaz la nan peyi a. 

Facebook Comments

Partagez cet article
Mackendy Filderice
Posté par Mackendy Filderice
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.