Estrikti politik » Nou Pap Konplis » pote yon deskripsyon sou adrès ak nasyon PM Ariel Henry te bay dimanch 18 septanm pase a, selon sa yo ekri nan yon nòt, » Ariel Henry pwovoke pèp la ak deklarasyon li yo ». Yo defini entèvansyon Premye Minis lan kòmkwa plizyè mo ki krache sou kòlè popilasyon an.
Toujou nan nòt sa a ki pibliye ayè lendi 19 septanm 2022 a, platfòm nan denonse asasina jenn elèv la, Widelet Joseph nan zòn Simon Pele, ki sot loreya nan dènye eprèv bakaloreya a, yon asasina ki genyen plizyè polisye ki epengle ladann. Selon sa yo di ki se yon krim ki revòlte konsyans popilè a.
Pi lwen, gwoup la di li kondane diskou Premye Minis Ariel Henry te fè a, ki ale nan sans yon pwovokasyon kont popilasyon an kap revandike kòlè yo nan lari a kont ogmantasyon pri gaz la, mete sou lòt revandikasyon yo.
Yo lanse yon apèl ak kominote entènasyonal la pandan yo pwofite raple gouvènman Ariel Henry a echwe menm jan ak alye li yo. Yo fè konnen tou, Ariel Henry inyore solisyon kriz aktyèl peyi a ap fè fas jounen jodi a, yo rete kwè Premye Minis lan sou wout pou pèdi tout konfyans popilasyon an.
« Le seul dialogue possible avec Ariel Henry c’est de savoir les conditions dans lesquelles il va passer le pouvoir à une nouvelle équipe bicéphale qui s’occupera du retour à l’orde constitutionnel dans le pays » , Se sa a nou te kapab li nan nòt » Nou pap konplis » la.
