Ekonomis Eddy Labossière fè konnen gen anpil chans pou Ayiti paka resevwa transfè lajan ankò akòz Bank Repiblik d Ayiti (BRH, nan sig fransè) repòte aplikasyon sikilè 114-3 li te dwe fè a.
Ayiti san lè deyò nan sistèm finansye entènasyonal la, epi transfè pa p ka rantre nan peyi a, se avètisman ekonomis lan bay, li deklare Gwoup Aksyon Finansyè (GAFI) ap sanksyone teritwa ayisyen poutèt sa.
Bank santral te anonse, nan yon avi nan dat 2 septanm pase a, li repòte aplikasyon 114-3 yo te dwe fè a pou 3 Oktòb 2022 aprè divès konsiltasyon avèk pati ki konsène yo.
Nan yon konferans nan dat 22 dawout pase a, n ap raple BRH te anonse nouvo sikilè sila ki t ap pèmèt yo konbat espekilasyon, goud la k ap pèdi valè, enflasyon an, epi absans transparans ki genyen nan mache chanj yo, jan GAFI vle sa.
Facebook Comments