Canada pwomèt 20 milyon dola pou rekonstriksyon gran Sid lan 

Jacky Chery
Jacky Chery
canada pwomèt 20 milyon dola pou rekonstriksyon gran sid lan 
Écoutez cet article

Nan yon reyinyon avèk peyi karayib yo ak rejyon amerik la, Premye minis kanadyen an Justin Trudeau anonse gen 20 milyon dola ki pral bay ak fon afektasyon espesyal miltipatnè pwogram Nasyonzini pou devlopman k ap soutni efò rekonstriksyon an Ayiti aprè tranblemantè 14 dawout 2021. 

Nan yon mesaj li ekri sou Twitter, anbasadè kanadyen an nan Pòtoprens, Sébastien Carrière, fè enfòme de reyinyon Premye minis Justin Trudeau òganize ak peyi nan karayib yo ak nan rejyon an sou sitiyasyon Ayiti an nesesite atansyon kominote entènasyonal la. 

- Advertisement -
Ad imageAd image

“Jodia, Premye minis kanadyen Justin Trudeau òganize yon reyinyon avèk peyi patnè nan karayib yo ak nan rejyon an pou kontinye chache mwayen kominote entènasyonal la kapab ede soutni estabilite ak devlopman dirab Ayiti », pawòl anbasadè Canada an Ayiti an Sébastien Carrière. 

Yon reyinyon kote Premye minis kanadyen an tou pwofite pou anonse 20 milyon dola peyi Canada swete ofri ak Ayiti nan kad plan rekonstriksyon gran Sid la, yon lane aprè pasaj tranbleman tè 14 dawout 2021 an, daprè sa anbasadè a rapouswiv pou di, san presize kilè fon sa ap disponib. 

Tranbleman tè 14 dawout 2021 an te lakoz anviwon 2 500 moun ak anpil dega materyèl nan gran Sid peyi a ki gen depatman Nip, Sidès, Sid ak Grandans. Gouvènman ayisyen an te anonse li pral rekonstwi pati sa atravè yon gwo fowòm ki te òganize pou te kolekte fon k ap sòti nan kominote entènasyonal la. 

Facebook Comments

Partagez cet article
Jacky Chery
Posté par Jacky Chery
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.