Depi 2022, Céline Dion pa monte sèn. Vedèt Kebekwaz la te pran lapawòl dènyèman sou maladi l. Chantèz la soufri sendwom Moersch ak Woltman. Li anonse li tounen yon fim dokimantè k ap gen pou soti pou sensibilize moun sou maladi sa.
Sendwom Moersch ak Woltman se yon maladi ra ki afekte sistèm nève, ki redwi kapasite moun lan pou l mache, chante. Se li Céline Dion soufri. Li anonse nan yon pòs Instagram, li te fè yon dokimantè 2 dènye ane yo. Dokimantè l ap prepare yon fason “pou senzibilize moun sou maladi sa yo pa fin twò konnen epi ede moun ki gen menm dyagnostik sa a”.
Li te pran lapawòl pou l di : “2 dènye ane sa yo te yon gwo defi pou mwen, soti nan dekouvèt maladi a jiska aprann kijan pou viv ak li epi jere l, san kite l defini m. Lè mwen tounen nan karyè mwen, mwen reyalize jan mwen te santi jan sa te manke m pou m wè fanatik mwen yo”. Sa gen kèk mwa, sè l la te anonse l ap goumen, men l poko ka tounen sou sèn.
“Pandan mwen te absan, mwen te gen anvi dokimante pati sa nan lavi mwen pou senzibilize moun sou maladi sa ki pa koni ak ede moun ki gen menm diagnostik sa “, chantez la deklare. Kidonk nan pa lontan, Céline Dion pral fè gran piblik la dekouvri pati sa nan lavi l.
Facebook Comments