Claude Joseph, ansyen Premye minis lan, pat kite dlo nan bouch li, akòz prezans tankè ak elikoptè lame dominiken ki sou fwontyè ayisyen-dominiken an, ansyen lokatè Primati an pat pran tan pou li te denonse sa li rele « posti pwovokatè » Luis Abinader anvè Ayiti.
Claude Joseph, egzamine tout aksyon otorite dominiken yo sou kriz peyi a ap fè fas kounya, epi nan yon mesaj li pibliye ayè vendredi 30 septanm 2022 lan, ansyen Chanselye a te atake Prezidan Repiblik Dominikèn an.
« Prezidan Luis Abinader ak lame dominikèn lan adopte yon posti pwovokatè anvè Ayiti nan denye jou sa yo », te ekri Claude Joseph, tout pandan li fè konnen pou li, nan zak sa a prezidan dominiken an te montre sa li te kache dèyè konpòtman alamis li an anvè Ayiti sou tout platfòm òganizasyon entènasyonal yo.
“Nou te konnen byen gen ajanda kache deyè atitid alamis Luis Abinader sou kesyon Ayiti a devan kominote entènasyonal la », te denonse lidè Pati EDE a, pandan li te kontinye ap mande pèp Ayisyen an pou yo rete veyatif.
Facebook Comments