Jèn grenadyè a, Melchie Daëlle Dumornay pa sispann montre talan li ak kalite teknik li nan D1 Arkema. Pou mwa mas la, Ayisyèn nan fè pati lis pi bon jwez nan chanpyona epi pran pri jwez ki fè pi bel gòl pou mwa. Corventina k ap prepare l plis chak jou pou l al enpoze l andedan klèb Lyon an sezon kap vini.
Jwèz 19 lane a, Corventina rive pran pri jwez ki fè pi bel gòl nan D1 Arkema aprè li te fin fè pati lis pi bon jwez nan chanpyona. Grenadye a ki kontinye ap montre li gen talan pou wo nivo foutbòl fanm yo.
Grenadye a ki nan lis jwez pou pran tit meyè jwez nan zòn CONCACAF la, kontinye ap pote drapo Ble-wouj la byen wo. Aprè sezon sa ak Stade de Reims, ansyèn jwez Tigresse la pral pote mayo klèb Lyon an.
Anpil je bwake sou jèn grenadyè a, kote anpil fanatik ap tann li nan Mondyal fanm yo kap fèt mwa jiyè kap vini nan peyi Ostrali ak Nouvèl Zeland. Corventina ki pral mete talan li ak tout kapasite li pou Ayiti fas Angletè, Dànmak ak Lachin pou 9vyèm edisyon Mondyal fanm yo.
