Popilasyon Senmak la te mete pye yo sou beton an depi semèn pase a pou yo te mande depa Ariel Henry sou pouvwa. Men jodi vendredi 16 septanm 2022 a, “dechoukaj” la komanse maten an nan vil Senmak.
Maten an, popilayson Senmak la te piye biwo konpayi Cam Transfert yo nèt. Moun k’ap fè revòlt yo pran depo manje yo epi yo mete dife nan dèlko yo. Lòt lokal, tankou Natcom, ONA, Ginou Market ak Digicel, elatriye, te sibi menm sò a anba men manifestan yo, kote yo te piye tout sa yo jwenn anndan yo.
Pou kounye a, nan lè atik sa ap ekri a ( 2zè 04) tout aktivite yo paralize nan vil Senmak la. Se sèlman manifestan yo ki ap dirije lari yo, kote yo kontinye ap mande depa imedya sou pouvwa a Chèf gouvènman ki se Ariel Henry.
Nap raple, manifestan kont Ariel nan Gonayiv, Tigwav,Okay, Delma ak Jeremi te piye plizyè biznis epi yo mete dife ladan yo.
Facebook Comments