Frè plizyè sèvis imigrasyon pral pare pou monte Ozetazini 

Pooshy Rosana
Pooshy Rosana  - Rédacteur
frè plizyè sèvis imigrasyon pral pare pou monte ozetazini 

Imigrasyon peyi Lèzetazini anonse, nan yon kominike li rann piblik nan dat 3 janvye 2023 a, ogmantasyon kèk frè demand prestasyon ak natiralizasyon. Ogmantasyon sila yo ap pèmèt li rekonstwi sistèm li an, se sa l fè konnen. 

Se Sèvis sitwayènte ak imigrasyon Lèzetazini an (USCIS) ki pwopoze ogmantasyon frè sila yo pou nouvèl ane a. Ajisteman sa yo konsène patikilyèman prèske tout sèvis yo ofri yo. 

- Advertisement -
Ad imageAd image

Plizyè avoka imigrasyon deja genyen nouvo tarif yo pwopoze yo, daprè detay jounalis Luckson Saint-Vil bay sou dosye sila.  

Nan yon dokiman USCIS detaye ajisteman pri yo konsa: frè pou petisyon rezidans pèmanan yo dwe pase 535$ a 820$ pou aplikasyon sou papye yo, pou aplikasyon an liy yo l ap koute 710$ ; kat travay (I-765) dwe pase 410$ a 650$ si w aplike sou papye, epi 555$ si se an liy ou fè sa ; ajisteman estati (I-485) dwe pase 1 140$ ak 1 540$. 

Konsa tou renouvèlman rezidans pèmanan 10 zan a (I-90) sòti 455$ pou rive 465$ sou papye ak 445$ an liy ; pou retire kondisyon rezidans 2 zan (I-751), li sòti 595$ pou rive 1 195$ ; natiralizasyon (N-400) pase 640$ pou 760$ ; dokiman vwayaj (I-131), 575$ pou 630$, epi pri pou petisyon fiyanse yo (I-129F) pase 535$ pou rive 720$. 

Otorite imigrasyon amerikèn yo fè konnen toutfwa frè yo p ap chanje jiskaske règ final la antre an vigè, aprè piblik la te gen yon opòtinite pou fè kòmantè, epi USCIS fin finalize orè frè a an repons ak kòmantè sa yo. 

Peryòd 60 jou kòmantè piblik la kòmanse aprè piblikasyon règleman yo nan jounal ofisyèl peyi a (Rejis Federal).Yon sesyon angajman piblik sou règ frè yo pwopoze yobpral fèt 11 janvye k ap vini la. 

 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.