Fritz A. Jean kritike silans Gouvènman an sou depòtasyon Ayisyen yo nan RD 

Mackendy Filderice
Mackendy Filderice
Fritz A. Jean kritike silans Gouvènman an sou depòtasyon Ayisyen yo nan RD 
Foto : Facebook (Fritz A. Jean)
Écoutez cet article

Ekonomis Fritz Alphonse Jean, nan yon deklarasyon li fè sou kont Twitter li a nan 219yèm anivèsè batay Vètyè a, 18 novanm 2022 a, frape Premye Minis Ariel Henry. Ekonomis lan  kritike silans PM Henry devan tretman otorite dominiken yo ap  fè sou sitwayen ayisyen yo nan peyi vwazen an depi  kèl tan. 

Prezidan eli akò Montana a Fritz A. Jean, nan okazyon 219èm anivèsè batay Vertières la deklare Vandredi sa a premye Minis Ariel Henry pa janm pran pozisyon, fas ak jan gouvènman dominiken an ap maltrete Ayisyen yo. 

- Advertisement -
Ad imageAd image

« 18 novanm, jou bèl batay Vètyè a, frè ak sè nou yo ap sibi pi move abi nan Repiblik Dominikèn.  Li enkonvnab pou  premye chèf Leta a kenbe yon silans simityè sou zak ekspre sa yo”,  te ekri Fritz A. Jean  sou kont Twitter li, limenm ki mande  “Kote responsab nou yo fè 18 novanm 2022 sa a?  « .  « Nou kouvri nan wont, »  li te kontinye pou li di. 

N ap raple, depi plizyè mwa gouvènman Dominiken  an ap depòte an mas Ayisyen kap viv Dominikani.  Tretman inimen yo enflije sou ayisyen san papye yo enkyete òganizasyon entènasyonal yo.  Nasyonzini atravè sekretè Jeneral li António Guterres, te mande lidè Dominiken yo sispann zak depòtasyon yo. 

Men prezidan dominiken an ki te twouve sa son derespektan, te fè konnne li pral akselere depòtasyon Ayisyen yo. 

Facebook Comments

- Advertisement -
Partagez cet article
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.