Popilasyon Jakmèl la te pran lari Mèkredi 7 septanm 2022 a pou yo te manifeste kont lavi chè a men tou pou mande depa Premye minis Ariel Henry nan tèt pouvwa a. Pandan jounen manifestasyon sila plizyè moun te pran bal.
Dapre rapò jounen manifestasyon Mèkredi 7 septanm 2022 a nan Jacmel gen anviwon 20 moun blese ladan yo 11 pran bal.
Deklarasyon plizyè temwen fè sitiyasyon an te dejenere lè manifestan yo te rive devan lokal konpayi Khawly yo, ajan sekirite yo te tire pou dispèse foul la. Sa ki ta pral lakoz, tansyon an rete palpab nan Jakmèl kote manifestan yo te monte gwo baryè nan vil la pou bloke trafik yo.
N ap raple, Okay, Jacmel, Port-au-Prince, Petit-Goâve te pran lari ayè Mèkredi 7 septanm 2022 a pou yo te mande Ariel Henry pou li kite pouvwa, ak pou yo te denonse lavi chè a espesyalman grangou ki ap ravaje popilayson an ak bandi ak zam ki ap tiye inosan.
