Kèk dat enpòtan pou Olivier Giroud ak seleksyon Fransèz la 

Jephte Pascal
Jephte Pascal  - Rédacteur
kèk dat enpòtan pou olivier giroud ak seleksyon fransèz la 

Olivier Giroud make yon gòl nan uityèm final Mondyal la kote Lafrans bat Polòy (3-1). Reyalizasyon sa fè l vin pi bon bitè tout istwa Ble yo. An n gad kèk dat ki make karyè li nan seleksyon Fransèz la. 

4 Desanm 2022, se yon dat ki p ap janm soti nan tèt Olivier Giroud paske se jou sa li fè 52èm gòl li pou Lafrans e tou depase Thierry Henry ki te fè 51. Pou kounya pa gen pi bon bitè pase l nan istwa ekip Lafrans la. Men chaje lòt dat ki te enpòtan pou Oli te rive la. 

- Advertisement -
Ad imageAd image

29 Fevriye 2012, Olivier Giroud make premye gòl li pou Lafrans anfas Almay. Plis pase yon lane aprè, 11 Oktòb 2013, jwè Milan AC a enskri premye double l pou Ble yo. Nan epòk la, li t ap evolye sou koulè ekip Arsenal la nan peyi Angletè. 

An 2014, li patisipe nan premye Koupdimonn li nan peyi Brezil. Li debloke kontè l nan Mondyal la devan Laswis, 20 Jen 2014. 10 Jen 2016, Giroud enskri premye gòl li nan Euro nan yon match Lafrans te jwe kont Woumani pou ouvèti Euro 2016 la. 

Premye triple Giroud ak seleksyon Fransèz la pa t pran tan pou l vini aprèsa. Se 2 Jen 2017 li fè l devan ekip Paraguay a. Malerezman, li pa t fè gòl nan Mondyal 2018 li malgre li te chanpyon. Men li te fè premye gòl li antanke kapitèn Lafrans devan Ikrèn, 7 Oktòb 2020. 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.