Enstiti Nasyonal pou Sovgad Patrimwa n Nasyonal (ISPAN), kritike Dunord Sileus, ajan pwovizwa Machan Desalin, paske li te otorize konstriksyon latrin sou sit kay Anperè Jacques 1er.
Ajan pwovizwa Machan Desalin nan, Dunord Sileus, krache sou memwa Anperè Jean Jacques Dessalines nan bay pèmisyon pou konstwi latrin sou sit kay Anperè a. Desizyon sa a ki touche jis nan zo Enstiti pou Pwoteksyon Eritaj Nasyonal la, se sak fè enstitisyon an mande restorasyon eta orijinal sit la rapid epi pou demoli tout konstriksyon modèn.
Nan yon korespondans ki gen siyati direktè jeneral ISPAN, Jean Patrick Durandis enstitisyon an fè konnen desizyon pou bay yon pèmi pou konstwi latrin sou sit sa a ki trè senbolik tankou kay Anperè Jacques 1er se tou senpleman enposib e inadmisib pou ISPAN, Direktè jeneral la di tou konsidere ke pa zak sa a, Meri a vyole Dekrè Prezidansyèl la nan klasifikasyon ki elve kay Anperè Jacques 1er nan ran Eritaj Nasyonal la.
Se poutèt sa Enstitisyon an espere Meri vil Desalin la rale tèt li epi mete yon fen ak jan yap degrade sit enblematik sa a. Yon lòt bò direktè Jeneral ISPAN mande pou etabli eta orijinal sit la nan yon tan ki trè kout epi pou demoli tout konstriksyon modèn yo.
Facebook Comments