Sou rezo sosyal yo, PNH la anonse jodi vandredi 19 me a genyen avi rechèch ki lanse kont kat (4) anplwaye enstitisyon finansye SOGEBANK. Endividi sa yo ta enplike nan divès zak koripsyon.
Mesye Jean Junior Memnom, Leevens Lifete Dejoie, Jean Ralph Antoine ak Madame Anne Ketia Georges, se non 4 moun sa yo k ap travay pou SOGEBANK Lapolis ap chache tankou chen fou pou mennen devan lajistis.
Kat (4) endividi sa yo gen avi rechèch Direksyon santral polis jidisyè (DCPJ) kont yo pou prezime enplikasyon yo nan divès krim finansye tankou vòl, konplisite vòl, abi konfyans, elatriye.
Nan nòt sa responsab nan Lapolis yo pibliye jodi vandredi an, yo envite popilasyon an pataje tout enfòmasyon itil ki ka mennen arestasyon 4 moun sa yo ki akize nan asosyasyon malfektè e ki gen manda lajistis dèyè yo.
