Mawòk, dezyèm peyi Afriken ki fè viktwa nan Mondyal la 

Jephte Pascal
Jephte Pascal  - Rédacteur
mawòk, dezyèm peyi afriken ki fè viktwa nan mondyal la 

Mawòk manyen manm Bèljik (2-0) pou dezyèm jounen nan Gwoup F Mondyal la, dimanch 27 Novanm sa a. Viktwa sa fè Mawòk vini dezyèm peyi an Afrik ki bat yon match nan Mondyal FIFA, Kata 2022 a. 

Peyi Afrik yo te mal soti nan premye jounen Mondyal la. Pou 5 match yo te jwe, lè n pran tout ekip yo, yo te pèdi 3 match epi fè 2 match nil. Mawòk rive mete do Bèljik atè pou l ofri kontinan Afriken an dezyèm viktwa l nan konpetisyon an aprè viktwa Senegal devan Kata. 

- Advertisement -
Ad imageAd image

Mitan an te fini san gòl ant 2 nasyon yo. Se yon koufran Sabiri, ki te antre nan match la, ki te debloke sitiyasyon an pou Mawòk. Nan fen match la, Zakaria Aboukhalal touye espwa Bèlj yo aprè yon pas Hakim Ziyech ba li. Dyab Wouj yo konnen premye defèt yo nan Koupdimonn sa a. 

Se yon bèl operasyon pou Lyon Atlas yo. Yo gen 4 pwen nan gwoup la kounya paske yo te fè match nil (0-0) nan premye soti yo anfas Kwowasi. Mawòk ap vanse tèt dwat dèyè kalifikasyon li pou dezyèm tou Mondyal la. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.