Sipèsta ajantin lan ki nan peyi Lachin ak seleksyon peyi l pou 2 match zanmitay fas Ostrali ak Endonezi avan faz eliminatwa mondyal 2026 lan fè konnen nan yon entèvyou li bay “Titan Sport”, yon televizyon chinwa, li pa panse l ap patisipe nan Koup Dimond 2026 lan nan peyi Etazini – Meksik – Kanada. Li te tou pwofite fè lwanj Guardiola.
Kapitèn Albiceleste a ki nan peyi Lachin bay yon interview ak “Titan Sport”, kote l deklare : “M sot patisipe nan dènyè mondyal mwen, m pa konn sa ki ka pase, men m pa panse patisipe nan mondyal 2026 lan. M ta renmen la pou m ap gade, men m pa kwè m ap patisipe. Se deklarasyon nouvo jwè Inter Miami an».
Messi te tou pwofite voye yon kout chapo bay Pep Guardiola pou siksè li nan Lig dè Chanpyon an kote l avanse pou l di : ” Pep Guardiola, aprè tit sa, montre li se meyè antrenè nan mond lan”.
Ajantin k ap gen pou twoke kòn li nan match zanmitay fas Ostrali nan vil Pekin jedi k ap vini an, epi kèk jou aprè, lendi 19 jen, champyon mondyal 2022 yo ap jwe fas Endonezi nan Jakarta.
Facebook Comments