Pou sezon sa Lionel Messi mete tout moun dakò li se youn nan jwè, fanatik foutbòl pap janm bliye. Ak ekip Ajantin lan , li rive pran grenn tit ki te manke nan palmarès li, ki se yon Mondyal epi make anpil gòl pou Albicelsete yo. Sependan, Pulga nan PSG gen anpil difikilte pou l ede klèb kapital la pran Champions League aprè 2 sezon.
Messi k ap pote Ajantin nan somè foutbòl la, gen anpil difikilte pou l fè bonè PSG, ki ap chache yon tit nan Champions League la depi kèk sezon. Pou sezon sa, ansyen jwè Barcelone nan gen 2 estatistik diferan pou seleksyon an ak klèb li.
Depi lè sezon 2022-2023 a kòmanse, Messi fè 16 gòl pou 12 match li jwe sou mayo Ble-blan, sa ki ba li yon ratyo 1,3 gòl pou chak match. Yon lòt bò, jwè ki pran Balon dò a 7 fwa, fè 18 gòl pou 32 match li jwè sezon sa pou PSG.
Anpil fanatik PSG kritike Messi pou pefòmans li ak konpòtman l, yo menn rive rele chalbare deyè l aprè klèb la te fin elimine nan Champions League la fas Bayern Munich.
Chanpyon Mondyal 2022 a, pa montre anvi ak enterè l pou l ta pwolonje nan ekip PSG. »ESPN » fè konnen li menn anvi retounen nan FC Barcelone pou sezon kap vini. Nan mwa Jen, kontra messi ap bout ak PSG.
