Ministè afè sosyal ak travay kondane ensidan ki pase nan CODEVI yo 

Jacky Chery
Jacky Chery  - Rédacteur
ministè afè sosyal ak travay kondane ensidan ki pase nan codevi yo 

Nan yon nòt ki pote dat 30 septanm 2022, Ministè afè sosyal ak travay kondane ak tout fòs li atak ki fèt kont konpayi devlopman endistriyèl la (CODEVI) nan Wanament jedi 29 septanm 2022 an. 

Nan nòt sa ki rive nan redaksyon an, ministè a mande pou kalm retounen nan endistri an, pandan li raple kreyasyon anplwa estab se sèl mwayen pou sòti nan twou soudevlopman sa nou twouve n anrasinen depi byen lontan. 

- Advertisement -
Ad imageAd image

Ministè afè sosyal ak travay pote solidarite l bay ouvriye yo, ak tout antrepriz ki touche yo pandan dènye manifestasyon yo kote anpil nan yo te souvan debouche sou sèn piyaj ak vyolans. De atitid ki ap agrave pi plis toujou kriz alimantè peyi a ap konnen jounen jodia. 

Daprè administrasyon CODEVI a, yon gwoup endividi te rantre nan konpayi a jedi aprèmidi, sakaje kèk nan depo yo genyen yo, epi detwi yon pati nan enstalasyon endistri an, nan yon nòt ki te sòti pou denonse ensidan sa yo. 

N ap raple, ensidan sa ta pral okazyone rantre sou teritwa ayisyen an yon gwoup militè dominiken ki nan baz fwontalye dominiken an ki tou pre ak konpayi an. 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.