Ministè jistis envite jistisyab yo pote plent si yo viktim de konpòtman komisè gouvènman yo 

Jacky Chery
Jacky Chery  - Rédacteur
ministè jistis envite jistisyab yo pote plent si yo viktim de konpòtman komisè gouvènman yo 

Nan yon kominike ki pibliye nan dat 8 desanm 2022 a, Ministè jistis ak sekirite piblik envite popoilasyon an pote plent nan Sèvis enspeksyon jidisyè ki nan Ministè a sou move konpòtman komisè ki nan Pakè yo. 

Ministè jistis ak sekirite piblik (MJSP) raple ak tout jistisyab yo Sèvis enspeksyon jidisyè ki chita kò l anndan Ministè a pare pou resevwa tout plent ak repwòch kont komisè nan Pakè yo ak tout pèsonèl jidisyè ki sou kont li yo. 

- Advertisement -
Ad imageAd image

Nan nòt sa ki pote siyati Minis tou nèf la, Emmelie Prophète Milcé, Ministè a bay garanti ak tout popilasyon an tout plent ki depoze yo ap trete anndan Sèvis enspeksyon jidisyè ministè a nan yon delè ki pa depase yon mwa. 

Ministè jistis ak sekirite piblik fè konnen, yon fwa plent yo trete anndan Ministè a, Sèvis enspeksyon jidisyè a ap kominike pleyan yo desizyon ki pran konsènan plent yo an. 

Yon desizyon ki vini nan yon moman kote anpil komisè nan Pakè 18 jiridiksyon peyi a souvan akize kòmkwa yo ta enplike nan zak koripsyon sou tout fòm, pami yo pran lajan pou libere moun nan prizon yo. 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.