Nouvèl yo pa bon ditou pou wa foutbòl la, Pelé vin pi mal  

Gabriel Emmanuel
Gabriel Emmanuel  - Rédacteur
nouvèl yo pa bon ditou pou wa foutbòl la, pelé vin pi mal  

Septanm 2021, lejand brezilyen an te diagnostike pou yon kansè, depi lè sa se tout pèp Brezil la ak rès mond la ki t ap enkyete pou eta sante ansyen chanpyon an ki gen 82 lane. Yè mèkredi a medsen nan lopital São Paulo yo bay nouvèl Pelé, yo anonse l pa fin anfòm e kansè a pran yon lòt faz ki pi grav, anplis li gen pwoblèm nan ren ak kè.  

Pendan mondyal la nan peyi Kata, nouvèl yo pat movè ditou pou ansyen chanpyon Mondyal la. Anpil moun te swete retablisman Pelé epi wè li anfòm. Men aprè mondyal la nan peyi Kata, sante senbòl foutbòl Brezil la vin pi mal daprè  sa medsen nan lopital Sâo Paulo yo anonse yè mèkredi a.  

- Advertisement -
Ad imageAd image

Se lopital Albert Einstein ki trouve l nan vil Sâo Paulo ki bay nouvèl  sou sante Pelé, aprè li te finn diagnostike pou yon kansè, nouvèl yo pa bon ditou paske kansè a pran yon lòt faz ki pi grav epi pwoblèm ren ak kè a vinn ajoute.  Sa ki bay anpil laperèz ak fanmi li e fanatik li yo.  

Pou kounya Pelé nan lopital Albert Einstein kote li kouche, lap resevwa swen pou kè l ak pwoblèm li gen nan ren pendan lap kontinye swiv chimioterapi  pou kansè a. Kesyon anpil moun ap poze èske Pelé ap wè 2023 ? 

 

Facebook Comments

- Advertisement -
Partagez cet article