Oland elimine Etazini nan uityèm final Mondyal la ! 

Jephte Pascal
Jephte Pascal  - Rédacteur
oland elimine etazini nan uityèm final mondyal la ! 

Premye uityèm final Koupdimonn FIFA, Kata 2022 a jwe nan jounen 3 Desanm nan. Oland bat Etazini (3-1) pou l vini premye peyi ki kalifye pou kadefinal Mondyal sa. 

Aprè l te fin pran premye plas nan Gwoup A a, Oland te konnen l gen pou l kwaze ak dezyèm nan Gwoup B a ki pa lòt ke Etazini. Olandè yo pa pèdi tan pou yo ekate Ameriken yo nan konpetisyon an avèk yon siksè (3-1) nan premye uityèm final la. 

- Advertisement -
Ad imageAd image

Jwè Louis van Gaal yo te louvri eskò a gras ak meyè bitè an aktivite yo, Memphis Depay (10′). Se 43èm gòl li make sou mayo Lawoland lan. Li vini dezyèm pi bon bitè nan tout istwa seleksyon an. Li dèyè do Robin van Persie ki make 50 gòl pou Oland. 

Nan fen premye mitan match la, Daley Blind te double miz la pou Ewopeyen yo (45+1′). Lateral goch Ajax la se dezyèm jwè ki fè gòl ak plis laj nan Koupdimonn pou Oland. Fòk nou te tann dènye kadè match la pou n wè Wright ki t ap redwi eka a pou Stars and Stripes yo (76′). 

Denzel Dumfries, jwè ekip Inter Milan an te make gòl kawo a pou Oland nan dènye liy dwat match la (81′). Pou kounya, ekip Olandèz la ap tann venkè match Ajantin-Ostrali a pou l konn ak kiyès l ap kwaze nan kadefinal. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.