Pa gen oksijèn nan lopital yo, malad yo ap mouri toufe, doktè yo lanse yon SOS 

Witson Beaujour
Par Witson Beaujour  - Rédacteur
pa gen oksijèn nan lopital yo, malad yo ap mouri toufe, doktè yo lanse yon sos 

Doktè Elisée Louissaint lanse yon SOS ak ototire yo nan Leta a pou pran bon jan mezi posib nan lopital yo atravè tout peyi A k ap fè fas ak yon mankman oksijèn depi lanse « Peyi Lòk » la nan prèske tout peyi a. Daprè li, si sitiyasyon sa a pèsiste, pasyan ki nan diferan lopital pral blije di lavi a mèsi paske anpil nan yo ap mouri toufe. 

Nan sans sa a, doktè a mande otorite yo pou yo pran yon dispozisyon prese prese pou mete gaz oksijène yo nan lopital yo, ki se yon pwodui lesansyèl pou sove lavi konpatriyòt yo ki nan gwo difikilte pou respire. 

- Advertisement -
Ad imageAd image

« Konsantratè oksijèn yo pa ka opere akòz mankman gaz la. Silenn ki rete yo bloke nan Pò Lafito akòz laterè gang ak zak yo kreye nan prèske tout katye sitou nan zòn Kanaran « , enfòme Doktè Louissaint Elisée. 

Anplis de pwoblèm pwodui petwòl yo ki tèt nèg sou mache enfòmèl la a men ki pa disponib nan ponp yo, lopital yo blije fèmen pòt yo akòz rate gaz la, mete sou mankman oksijèn nan ki afekte ata lopital ki t ap tante fè jefò yo. Si sitiyasyon an rete konsa a epi Leta pa tabli yon solisyon pi rapid posib, Ayiti p ap gen kote pou konte kadav. 

Facebook Comments

- Advertisement -
Partagez cet article
Witson Beaujour
Par Witson Beaujour Rédacteur
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.