Nan sousi pou ede plis moun dekouvri richès ki genyen nan lang kreyòl la ak pèmèt yo fè konesans tout bon ak evolisyon lang lan, ekip NetAlKole media te f on chita pale ak pastè Pauris Jean-Baptiste ki se yon akademisyen kreyòl, powèt ak ekriven.
Nan ti chita pale sa ki dire anviwon 45 minit, pastè a dekri ki kalte plas enpòtan pwovèb yo genyen nan lang lan epi f on rale sou evolisyon lang kreyòl la epi eksplike poukisa l enpòtan pou n pratike lang manman n ak papa n nan. Li te pwofite f on pale de lavi l epi f on rapèl sou pasaj li nan tèt akademi kreyòl la epi l bay detay sou ki jan yo fonksyone.
Selon konstitisyon 1987 la, Ayiti gen 2 lang ofisyèl ki se kreyòl ak franse. Sepandan, nan atik 5 lan, li presize : « sèl lang ki simante tout Ayisyen, se kreyòl la. » Akademisyen Pauris Jean-Baptiste pa t bliye chita sou sa tou. Klike sou lyen sa pou w gade entèvyou sila :
Facebook Comments