Repiblik Dominikèn ap fè fas nan dènye tan sa yo ak yon tansyon viris respiratwa. Pami yo, nou jwenn Covid-19 ki mete gwo enkyetid nan enstitisyon nòb yo tankou lekòl, bank, legliz ak bwat Leta yo. Daprè sa jounal Dominiken yo rapòte, plizyè sant eskolè nan Santiago fèmen pòt yo.
Daprè jounal Listin Diario, desizyon sa vini apre sèt pwofesè te teste pozitif anba kowonaviris la. Pi lwen, anviwon yon trantèn elèv te montre sentòm ki gen rapò ak pandemi sa.
Toujou daprè jounal la, kèk etablisman te oblije sispann klas depi ayè madi 16 janvye a, aprè yo te idantifye plizyè ka ki gen rapò ak Covid-19. Yo konstate tou jodi 17 janvye a aktivite eskolè yo toujou rete paralize.
Yon lòt bò, ministè sante piblik nan peyi vwazen anonse anvan timoun yo retounen lekòl, ofisyèl lekòl yo dwe planifye pou teste tout elèv yo kòrèkteman.
Facebook Comments