Premye Minis Ariel Henry anonse yon “kanpe sa” nan vwayaj ofisyèl yo epi entèdi yo bay kado fen dane

Witson Beaujour
Witson Beaujour  - Rédacteur
premye minis ariel henry anonse yon kanpe sa nan vwayaj ofisyèl yo epi entèdi yo bay kado fen dane 

Premye Minis aktyèl peyi a Ariel Henry anonse yon kanpe kite sa sou vwayaj ofisyèl yo pandan fen lane 2022 a epi entèdi yo fè gwo seremoni echanj kado nan fen ane a nan sousi pou ekilibre epi diminye depans yo nan kès Leta a. Gouvènman an enpoze restriksyon vwayaj ofisyèl sa yo paske daprè sa li di Leta pa anvizaje depanse lajan nan peryòd difisil sa a. 

Nan yon sikilè ki rann piblik sou tout rezo sosyal yo, Direksyon Imigrasyon ak Emigrasyon bay lòd pou tout Ajan Imigrasyon yo nan divès pò, ayewopò ak pòs fwontyè peyi a,  pou yo mande nenpòt gwo ofisyèl nan Leta a tankou ; “Minis, Sekretè Deta, Direktè Jeneral” pou n site sa yo sèlman, ki vle pati pou yon peyi etranje, yon otorizasyon Premye Minis lan siyen kòmsadwa pou otorize l al banbile. 

- Advertisement -
Ad imageAd image

 Mezi sa a, daprè presizyon sikilè a, konsène misyon ofisyèl ak vwayaj prive yo tou. Gouvènman an fè referans ak Dekrè 29 mas 2017 la, ki gen rapò ak vi Leta ki vize rasyonalizasyon depans piblik ak pi bon jesyon lajan kach pou jistifye mezi sa yo. 

Anplis de sa, Biwo Premye Minis lan mande tout Ofisye Otorize Administrasyon Piblik yo pou yo limite depans yo pandan fen lane a nan bagay ki esansyèl yo. Yo entèdi nan “kòmande kado fen dane, an patikilye panyen Nwèl oswa kat salitasyon chè”, toujou daprè presizyon sikilè sa a.

Facebook Comments

- Advertisement -
Partagez cet article
Witson Beaujour
Par Witson Beaujour Rédacteur
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.