Chèf gouvènman Saint-Kitts & Nevis lan, Terrence Drew, kondane ak tout fòs li zak kidnapin ki fèt sou konsil onorè yo nan peyi an, Harold Marzouka Jr, ki jiskaprezan nan men bandi.
Premye minis lan ki t ap reyaji ayè madi 18 avril la sou anlèvman sa, fè konnen gouvènman li an kontinye ap swiv kijan sitiyasyon an ap evolye an Ayiti kote y ap kolekte enfòmasyon depi apre kidnapin sa.
Nan kominike ki sòti sou sitiyasyon sa, Terrence Drew eksprime preyokipasyon gouvènman Saint-Kitts & Nevis lan sou sekirite Marzouka bandi ak zam kidnape wikenn ki sot pase a an Ayiti.
« Gouvènman Saint-Kitts-&-Nevis la swete fanmi Marzouka ap jwenn kouraj pandan yo konnen gouvènman an ak tout pèp Saint-Kitts-et-Nevis lan kanpe rèd dèyè yo nan moman difisil sa », yon pati nan kominike an.
Premye minis Terrence Drew ajoute pou swete konsil onorè yo an ki se egalman yon biznismann ayisyen kapab rantre lakay li pou al rejwenn fanmi l pi vit posib.
