Depi plizyè mwa peyi a konfwonte ak yon ratman gaz, plizyè ponp gaz fèmen, epi konsomatè yo vin nan anpil difikilte pou yo achte gaz yo. Apre mouvman pwotestasyon yo, ponp gaz yo pa t rive jwenn mwayen pou yo te apwovizyone gaz mete nan ponp yo, akoz Gang ak zam ki bloke Tèminal Vare a pou fòse gouvènman an ranvèse desizyon li pran pou ogmante pri pwodwi petwòl yo nan peyi a.
Dènye chajman kamyon an se 12 septanm 2022, e depi lè sa a, plizyè milyon galon gazolin, kewozèn ak dyezèl rete estoke nan sant estokaj gaz WINECO, te fè konnen tèminal Vare a nan yon mesaj li te pibliye sou kont Twitter li ayè jedi 29 septanm nan.
Nan mesaj li a, Tèminal Vare fè yon bilan sou aksyon li yo nan WINECO pou jounen 29 vendredi septanm 2022 sa. Li te di 4,983,426 galon Dyezèl te rete estoke nan tèminal la pandan 816,228 galon Kewosèn ak 5,162,346 galon gazolin nan menm sitiyasyon an, Daprè enfòmasyon konpayi WINECO a kominike atravè kont Twitter Tèminal Vare a.
Nap raple, ratman gaz la nan peyi a lakòz anpil enstitisyon fèmen pòt yo, tankou lopital Bernard Mevs nan yon avi ki te pibliye 27 septanm 2022, ki te fè konnen lopital la pral mete sou pye yon plan ijans ak yon rediksyon nan anplwaye li yo akòz mank gaz sou mache a. Menm jan tou kèk konpayi telefòn yo nam peyo menase kanpe sèvis yo paske yo paka kwennygaz pou yo sèvi, pou kontinye bay sèvis.
Facebook Comments