Tanpèt twopikal Fiona pase nan faz ouragan kategori 1 daprè pwoteksyon sivil 

Jacky Chery
Jacky Chery
tanpèt twopikal fiona pase nan faz ouragan kategori 1 daprè pwoteksyon sivil 
Écoutez cet article

Nan yon kominike ki pibliye jounen dimanch 18 septanm 2022 an, Direksyon jeneral pwoteksyon sivil enfòme popilasyon an sou sitiyasyon tanpèt twopikal Fiona ki pase pou kounya nan faz ouragan kategori 1. 

Nan kad evolisyon ouragan sa ki depi plizyè jou ap bat sou karayib la, direksyon pwoteksyon sivil fè konnen ouragan Fiona kapab charye gwo van ak menas glisman teren, deboulonnay tè ak inondasyon. 

- Advertisement -
Ad imageAd image

«Selon previzyon yo, sant ouragan an ap travèse Pòtoriko jodi a pou li rive nan kòt Ès, Nò ak Nòdès sendomeng aswè a oubyen demen lendi a. Dapre dènye wout li ka pran yo, li riske frape divès depatman peyi Dayiti tou», sa nou li nan kominike sila. 

Fas ak menas ouragan Fiona reprezante nan kad previzyon yo, pwoteksyon sivil nan tèt kole ak Inite idoweteyowolojik epi Sekretarya pèmanan k ap jere risk ak dezas anonse vijilans jòn sou tout peyi a toujou kenbe, sitou pou depatman ki sou lòt Bò yo. 

Pou fè fas ak sitiyasyon sa, direksyon jeneral pwoteksyon sivil mande ak popilasyon an pou «rete veyatif, kontinye swiv enfòmasyon meteyo yo epi mete an pratik konsiy otorite yo, anvan siklòn nan pase, pandan l ap pase ak apre li fin pase», ekri nan finisman kominike a. 

Facebook Comments

Partagez cet article
Jacky Chery
Posté par Jacky Chery
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.