Yon tranblemanntè pase ak yon mayitid 3.5 sou echèl Richeter byen bonè maten jedi 20 oktòb 2022 a nan Miragwàn, kapital depatman Nip peyi a. Redaksyon NAK MÉDIA te konfime nouvèl la nan yon apèl telefonik ak jounalis Dieuva Occidor. Toutfwa jounalis la mansyone, pat gen okenn moun ki te Viktim ni okenn materyèl ki te andomaje.
Nan vil Miragwàn, tè a te souke byen bonè maten jedi sa a aprè yon sekous ki te koze yon gwo enkyetid nan kèk rakwen vil la, li te nan anviwon 5è AM yo.
Dènye sekous sa a te fwape ak yon mayitid 3.5, selon sa a nou te li sou sit Volcanodiscorver a. Sepandan pyès moun pat viktim, ni materyèl pat andomaje.
Soti nan mwa dawout 2021 pou rive oktòb 2022, Ayiti se youn nan peyi ki plis viktim tranblemanntè, pi vyolan nan yo se te 14 dwaout ane pase a, ki te plonje malerezman yon dèy nan Sid peyi a.
