Vle pa vle Jakmèl ap danse kanaval ane sa, daprè majistra Marky Kessa  

Witson Beaujour
Witson Beaujour  - Rédacteur
vle pa vle jakmèl ap danse kanaval ane sa, daprè majistra marky kessa

Se anba tèm “Ansanm yon lòt Jakmel posib”, 31nyèm edisyon kanaval vil Jakmèl la ap reprann anbyans li pou 12 fevriye k ap vini la a, depi dimanch 15 Janvye 2023, Marky Kessa, ki se Majistra vil Jakmèl la te deja montre tout mezi ki deja disponib pou tout Jakmelyen yo danse kanaval la ane sa a. Nan yon entèvyou li ofri redaksyon NetAlKole Média, li presize kèk bagay.  

Malgre gouvènman an plas la anonse kanaval nasyonal la pou yon lòt fwa ankò pap ka posib, men te gen enfòmasyon ki te fè konnen meri yo ap jwenn soutyen gouvènman an pou òganize sejou yo kòmsadwa, majistra Marky Kessa, pa t sere mo nan bouch li pou anonse an prezans otorite konsène yo, notab ak òganizatè yo, lansman ofisyèl 31nyèm edisyon Kanaval Jakmèl la anba tèm “Ansanm yon lòt jakmel posib” epi premye jounen prekanavalès yo nan avni Baranquilla.  

- Advertisement -
Ad imageAd image

Kòm gouvènman an te anonse meri yo ap jwenn asistans yo pou òganize defile yo ak lòt aktivite ki anviwonnen kanaval yo, nou te eseye rantre an kontak ak direktè jeneral ministè kominikasyon an Calvin-Karl Cadet, malerezman ki pa t janm disponib, telefòn li sone san repons.  

Nou te blije rante an kontak ak majistra komin Jakmèl la Marky Kessa, dirèk pou konfime si tout bon meri a jwenn soutyen gouvènman an, lè n konsidere ane pase ki file lang ki te fèt, jiskaprezan gen dèt ki poko janm ka peye sou kanaval ki te fèt 2022 pase a.  

Daprè repons li konfye redaksyon an, gen yon règleman 58% rès nan dèt kanaval ane pase a ki poko janm fin peye, dèt sa ki t ap analize sou responsabilite Ministè Kilti, poko janm ka jwenn bout li, li di li espere gouvènman an plas la ap kapab likide dèt sa a devan tout moun yo.   

Sou asistans gouvènman an « Poko gen yon kòb vrèman ki soti nan gouvènman an ki vin jwenn nou, men premye minis lan montre li ankouraje aktivite kanaval la nan vil Jakmèl pou fevriye k ap vini la a, nou swete yo patisipe ak nou epi likide nou mwayen pou avanse men vle pa vle, kanaval la ap fèt fevriye pwochen », li te pale konsa pandan li di li konsyan peyi a ap monte yon kalvè ekonomik ki tèt anba, li kritike tou gouvènman an ki pa t janm pran yon desizyon pou entegre aktivite kanaval yo nan dènye bidjyè ki te soti a. Konsa, meri yo pa t ap nan difikilte pou reyalize sejou kanavalès yo.  

 » Wi Kanaval la ap fèt, men se moun Jakmèl ak moun ki renmen kanaval, moun ki renmen Jakmèl ki pou mete men ansanm, sa ki ka bay limyè ap bay, sa ki ka bay pano solè ap bay paske koze enèji elektrik nan vil Jakmèl se yon tèt chaje », li te pale konsa nan entèvyou nou ak li.  

Majistra a pwofite enfòme genyen gwo chanjman ki pral fèt pou òganizasyon 31nyèm edisyon sila a. Akoz ensekirite ak mankman kouran an, aktivite kanaval la ap kòmanse a 10:00 AM, l ap fini a 6:00 PM. Sèlman pakou DJ yi k ap fini jiska 8è nan aswè.  

Dat ou dwe kenbe  

5 fevriye : defile yo   

12 fevriye : kanaval Jakmèl   

19, 20 ak 21 fevriye : 3 jou gra yo. 

 

Facebook Comments

- Advertisement -
Partagez cet article
Witson Beaujour
Par Witson Beaujour Rédacteur
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.